職前檢查三 Bonus
仲未完！好啦，呀大小姐隔個禮拜過嚟翻驗小便，終於肯乖乖地飲返好多水，個小便合格。你上黎就咁驗個小便，姑娘係唔會幫你約個期，因為你其實唔使見醫生。
點知佢上到黎話想「順便」睇埋傷風感冒。我哋嗰朝真係約滿晒期。見佢着露肩同小熱褲，化晒裝，個人行得正企得正。幫佢探下熱佢冇發燒，叫佢約同一日嘅下午黎睇病。
呀大小姐又發脾氣。又喺度講話我哋係診所嚟架喎，點可以唔睇症？後面有四五條友排住隊登記，你憑乜嘢同我講話我一定要Priority即刻睇你？當然又係人地時間寶貴，人哋山長水遠要仆過嚟我間兜痞診所睇嚟係我嘅榮幸。不過你原諒我不識抬舉，唔睇咪唔睇囉。
最尾佢出．絕．招。對住姑娘喺度喊，話佢地幾個夾埋蝦佢一個。成20幾歲人，唔好咁核突好唔好啊。我哋個個都係鍾意小白臉/青靚白淨/陽光/爆肌男人嘅女人😍，真係唔受呢一套。
希望你第時未來老闆係一個男人。如果唔係無人會可憐你係到潑婦罵街。同埋你阻住我睇後面嗰啲病人。學你話齋，診所用嚟睇症架。唔該死開。
Search